.......फार झाले तुझे.....
आता फार झाले
असा जवळ असताना
लांबच लांब असतो विचाराने
जगण्याच्या या पायवाटेवर
आता फार झाले तुझे
सावलीची ही ओळख नसावी
इतका लांब आहेस तू
वेदनेच्या या महाजाळ्यात
तुझे असणे
नसण्यासारखेच आहे
तुझे शब्द आणि माझे शब्द एकच
पण विटाळ मात्र साताजन्मांचा
फार झाले तुझे आता
आता फार झाले तुझे
हातावरची मेहंदी रंगहीन होत आहे
पुसट झालेल्या रेषासारखे
तळपायातली बोटे ही आता थांबली आहे
त्या विशेषणासाठी
पायातले पैंजण घुंगरू असले तरी
आवाज हीन झाले आहे
आता फार झाले तुझे- माझे
आता प्रवास नवीन चालू करावा
वाटतो थांबणे आता फार झाले
माझे सोडावेच लागेल शेवटी
जिंकलास आहे तू
हरवले कुणास माहित नाही
तुझे फार झाले आता
असा जवळ असताना
लांबच लांब असणे
✍️सविता सूर्यकांता तुकाराम लोटे
कविता स्वलिखित व स्वरचित आहे. आवडल्यास लाईक आणि शेअर करायला विसरू नका. कमेंट बॉक्समध्ये आपले मत जरूर नोंदवा. धन्यवाद...!!!
******************************************************************************
