काय सांगू तुम्हाला
भीम माझा कसा होता
अज्ञानी दगडाला ज्ञानगंगेच्या प्रवाहामध्ये
नेणारा महाझरा होता
भीम माझा कसा होता
चंद्राची शीतलता, सूर्याची प्रखरता
समानतेचा वारा होता
भीम माझा कसा होता
भुकेलेला अन्न देणारा महाशक्तिमान होता
भीम माझा कसा होता
रूढी प्रथा परंपरेला मूठमाती देणारा
नवविश्व निर्माता होता
भीम माझा कसा होता
भारताला संविधान देणारा
महाज्ञानसाठा होता
भीम माझा कसा होता
मनुवादी विचारवंतांना जागेपणी
पडलेले स्वप्न होता
भीम माझा बुद्ध कबीर फुले
यांच्या विचारांना पुर्वलोकन करणारा
महान विचारवंत होता
भिम माझा प्रज्ञेचे शिखर होता
भीम माझा ज्ञानाचा महासागर होता
भीम माझा दीनदलित समाजाला
बुद्ध धम्माकडे नेणारा सूर्य होता
भीम माझा असा होता
सविता तुकाराम लोटे
