मुलांच्या आयुष्यात बाबा आई हा अविभाज्य घटक असतो. आई प्रेमळ असली तरी बाबा नेहमीच कठोर भूमिकेत वावरतात त्या सर्व बाबांसाठी "बाबा", ही कविता स्वलिखित आहे
*** बाबा ***
तटस्थपणे... आपला जन्मदाता
वेदनेची चाहूल त्याची
श्रमाची धार त्यांची
आपल्या भविष्यासाठी
दडपणशाहीत प्रेम आहे अपार
पोटच्या गोळ्यासाठी
आभाळमाया.. जन्माची
शेवटच्या श्वासापर्यंतची
तो बाबा आहे ...
खचलेल्या पोरांचा आधार
बाबांच्या दोन प्रेमळ शब्दांनी
आईच्या प्रेमळ स्वभावाला
बाबा वाघासारखा
तरी मृदू नारळासारखा
फणसातील गरासारखा
थरथरत्या हातात पुस्तक
आणि परत शाळा... बाबांची
आपल्या डोळ्यातील स्वप्ने
प्रथम रुजविणार
तो बाबा आहे ...
स्वातंत्र्याची चाहूल देणारा
तो बाब आहे...
जीवनाला संस्कारित पण
कठोर नियमांचा अनुभव देणारा
तो बाबा आहे...
आपल्या स्व ची जाणीव देणारा
आपला बाबा आहे ...
आपला बाबा आहे!!!
✍️🏻©️सविता तुकाराम लोटे
©️✍️Savita Tukaramji Lote
शीर्षक :- ** बाबा **
अभिप्राय कमेंट बॉक्समध्ये नक्की कळवा
Thank you
----------------------------------
कोणत्याही टिप्पण्‍या नाहीत:
टिप्पणी पोस्ट करा