गुलाब

*** गुलाब ***

कळलं का कुणाला 

हा गुलाब कुणाचा होता 

टवटवीत फुललेला सुगंधाने 

मंत्रमुग्ध करणारा 

हृदयाच्या स्पंदनाना 

शांत निर्मळ पवित्र अशा 

आसमंतात घेऊन जाणारा 

कळल का कुणाला 

हा गुलाब कुणाचा होता 

रात्रीच्या अंधारात कुणी ठेवला 

असेल दाराजवळ यामागचा 

काय प्रयोजन असेल 

कवितेत असेल की शब्दात 

असे की बस सहज 

कुणीतरी कुणाच्यातरी 

मर्जीनुसार मस्तीखोर 

स्वभावात असेल 

कळल का कुणाला 

हा गुलाब कुणाचा होता 

हसणे हसण्यातच दिवस गेला 

गुलाबाचे रहस्य तसेच होते 

पण आमच्या गालावरची लाली मात्र

...... गुलाबासारखीच होती 

कळल असेलच, कुणाला तरी??

 तो गुलाब कुणाचा असेल! 

आता तो गुलाब माझ्याच 

पुस्तकांच्या सोबत आहे 

पण कळलेच नाही कुणाला 

तो गुलाब कूणासाठी होता 

म्हणून गालावर स्मित हसू येते 

माझच मला गुलाबासारखे 

लाल झालेल्या माझ्या 

गालावरील रंगाच्या...!!❤🤣

✍️सविता सूर्यकांता तुकाराम लोटे 

तुझ्या मिठीत

** तुझ्या मिठीत **

हे खरे आहे अजूनही 

तू आयुष्यात आला नाहीस 

म्हणून आयुष्य संपल नाही 

तुझ्याविना काही गोष्टी 

जमल्या नाही हे खरे 

पण अजूनही वाट आहेच 

तुझ्या येण्याची 

अगदी मनापासून 

आनंदाच्या सोहळासोबत 

रखरखता  उन्हाच्या दाहकतेसोबत 

पावसाचा पहिल्या थेंबापर्यंत 

गुलाबी थंडीचा आस्वाद येईपर्यंत 

फुललेल्या मनाला 

अधिक फुलविण्यासाठी 

तुझ्या मिठीत

©️®️✍️सविता सूर्यकांता तुकाराम लोटे

आपल्या येण्याची जाणीव आपल्या प्रतिक्रिया  होय. आपली प्रतिक्रिया कमेंट बॉक्समध्ये जरूर नोंदवा आणि लाईक आणि शेअर करायला विसरू नका .

       ब्लॉग हे माझे शब्दांचे घर आहे. कवितांचे फुले वेचताना मनाला आनंद होतो आता ते फुले वेचण्यासाठी तुम्ही ब्लॉगला नक्की भेट द्या. मला सुचेल रुचेल पचेल यात मी माझ्या भावना व्यक्त करते. शब्द स्वरांच्या या देव उंबरठ्यावर आपले स्वागत आहे. देव उंबरठ्यापर्यंत आलाच आहात तर, इथे समाधान व तुमच्या मनातला असंख्य व्यथांना भावनेला शब्द मिळतील.

          आवडल्यास फॉलो कॉमेंट्स आणि शेअर करायला विसरू नका...!💕❤🌹

============================